Tashmë shfaqet klipi i këngës të shumë pritur !

 Glaugus Furtuna djali i kompozitorit të mirënjohur  Alban Furtuna  në bashkëpunim me këngëtarin  Mc Mario shfaqin për të gjithë që dashurojnë muzikën, hitin veror të qujatur “Summer Love” .

 Klipi është realizuar nga shtëpia diskografike MuzikAl duke qënëse Alban Furtuna ka vite që bashkëpunon me këtë kompani . 

Glaugus një djalë 18 vjecar vlerësohet si një talent i muzikës shqiptare  duke pasur  mbështetje nga i ati i tij i cili ka nxjerr në tregun muzikor, këngë të cilat sot kanë mbetur hite dhe gjithashtu ka ndihmuar këngëtarë që sot kanë arritur  suksesin .

Pas suksesit me këngën “mos më gjuj” këngë e cila ka arritur rreth 1 milion klikime në Youtube , Mario bën bashkpunimin e tij të parë me Glaugusin duke e cilësuar si një Justin Timberlake shqiptar .  

Glaugus Furtuna ft Mario - Summer Love

 

Kualifikohet Brazili me vështirësi

Brazili kualifikohet më tej për në çerekfinale dhe është në pritje për të mësuar se kush do të jetë kundërshtari i radhës , takim ky i cili do te zhvillohet ne oren 22:00 midis Kolumbisë dhe Uruguaj  . 
Skuadra e Skolarit ka kaluar e para në avantazh me golin e mbrojtësit teëChelsit  David Luiz, në minutën e 18' të

pjesës së parë . Nuk do të zgjaste shumë avantazhi i skuadrës së Selecaos ku në minutën e 32' do të vinte goli i barazimit nga sulmuesi A.Sanchez nga gabimi i sulmuesit Hulk . Në vazhdimin e pjesës së dytë Brazili ka qënë i heshtur gjate gjithe 45 minutave ndërsa Kili vazhdonte të sulmonte por rezultati qëndron në barazim me shifrat 1-1 . Ndeshja vazhdoi edhe në minutat shtesë kur vlen per tu permendur rasti i sulmuesit te Kaljerit Mauricio Pinilia i cili goditi traversën por dhe shtesat nuk gjëten zgjidhje se cili ekip do te kualifikohet më tej . Pika e bardhë e penalltisë do të shpallte fitues në këtë ndeshje të gjatë dhe të lodhshme skuadren e Brazilit ku rezultati do të përfundonte 3-2 në favor te Brazilit . Për skuadrën e Selecaos kanë shënuar David Luiz, Marcelo dhe Nejmar ndërsa për skuadren e Kilit do të shënonte Aranguiz dhe Diaz .    

Festë dhe dhurata për fëmijët në nevojë

Me rastin e festave te fundvitit , Qendra Rromani Baxt Albania organizoi nje mini koncert kulturo-artistik ku gjatë programit janë recituar vjersha, këngë dhe kercime moderne dhe tradicionale rome nga fëmijët e kësaj qendre. 

Tradicionalisht fëmijët e kopeshtit parashkoll, të RBA dhe nxënësit e shkollave Bajram Curri dhe Ramazan Jarani , që ndjekin mësimet suplementare në këtë qender , festuan  sëbashku dhe u janë shpërndarë dhurata me rastin e  festave të fundvitit. .

Po e veçanta e kësaj feste ishte se midis fëmijëve të zonës Allias – Kinostudio , kanë qënë prezent dhe fëmijët e Qendres Sociale të Emergjencave në repartin ushtarak në Tufine, të cilët prej dy muajsh janë pranë kësaj qendre, ku marrin edukim parashkollor, kujdesje psikologjike, lojra argetuese dhe kreative .

Kjo Organizatë është mbeshtetur për 12 muaj nga Terre Des Hommes ,RBA  falenderoi  Roma Education Fund, ARSIS dhe  NSCN për edukimin e femijëve rrom në përgjithësi si dhe veçanërisht për përkujdesjen e stabilizimin psikosocial të femijeve të 37 familjeve të shpërngulur forcerisht nga banesate tyre në Selite . 

Fle në Varrin e të vëllait , të afërmit lajmerojnë policinë

Rreth 1 jave më parë në periferi të Tiranës , një 55 – vjeçar pas humbjes së 2 njerëzve më të dashur në jetën e tij, të gruas dhe djalit tij një tjetër dhimbje e madhe shtohet në familje , ndëron jetë i vëllai në moshën 63 vjeçare nga një sëmundje e pashërueshme  . Të afërmit e tij thanë se ai ka qënë shumë i lidhur me vëllain e tij, mbas ceremonisë mortore të gjithë kthehen në shtëpi, A.R. në mbrëmje zhduket nga shtëpia dhe të afërmit e tij shqetësohen për të pasi kishin kaluar orë të tëra dhe ai nuk gjendej në asnjë vend , më pas të afërmit e tij  lajmeruan policine dhe të nesërmen ai gjendet i shtrirë pranë varrit së  vellait .   

Aurela Reagon keq ndaj thashethemeve: Vjehrra më pranoi, mos na çani B*thën

Aurela Gaçe menjëherë pas dasmës është shqetësuar nga thashethemet që bëhen për moshën e saj më të madhe në raport me bashkëshortin. Në një reagim në rrjetin social “Facebook” Aurela shprehet indinjuar nga pyetjet dhe nga ngacmimet që i bëjnë vjehrrës së saj njerëzit. A do tapranonte vjehrra Aurelën, meqenëse ajo është disa vite më e madhe se Skerdi? Kjo ishte pyetja më e shpeshtë që njerëzit i kanë bërë mamasë së Skedrit. Ajo i ka thënë të gjitha ‘thashethemexhieve’ se vjehrra e ka pranuar pa problem. 

“Më në fund më pranoi vjehrra për nuse... Hahaha. Ky mesazh është për ato mendjeshkurtrat, ciniket, llafazanet që më ngacmojnë vjehrrën, mua, edhe nuk lënë parukeri pa shkuar e pa u marrë me llafe. Kanë merak njerëzit se unë na qenkërkam pak si më e madhe se Skerdi dhe pyesin njerëzit e mi të afërm, a është Aurela më e madhe? Sa më e madhe se Skerdi? A e pranon dot vjehrra këtë fakt? Uaaaaa hahaahhahaha çfarë varfërie që i mbyt këto njerëz në shpirt. Hajde se përgjigjen ja u jap unë, më saktë se kaq nuk ka. Unë jam 2 vjet më e madhe se Skerdi, po merak do të më ngelet gjithë jetën, pse nuk është nja 10 vjet më i vogël. Ta merrja e ta rrisja vetë hahahaha. Madje prandaj edhe u martuam, se më në fund mami i Skerdit më në fund më pranoi si nuse hahahahaha. Oh po tani do t’ia u them si nga Vlora juve që jeni shqetësuar për vitet e mija e të Skerdit. Hajt mos na e çani menderen me këto idiotësira e me këto budallallëqe të shekullit të kaluar. Merruni me jetën tuaj e mundohuni të gjeni ndonjë gjë me vlerë në jetën tuaj, se vetëm ashtu do të mund ta shijoni. Ndryshe do thinjeni duke menduar a më pranon vjehrra mua apo jo. O pikaaaa pikaaaa. Sa varfëri shpirtërore e mendore. Meqë jeni të shqetësuar për moshën time, ja u tregoj se e kam vithen më të ngritur se ju që pini kafe e cigare gjithë ditën e shqetësoheni për jetën e të tjerëve. Sa njerëz të vegjël. Kam kohë që i dëgjoj këto idiotësira, dhe kam qeshur, e i kam lënë të shkojnë. Por kur teprohet, me duhet t'ua u përplas në fytyrë që mbase mendohen e shohin veten në pasqyre. Për te mirën e tyre e kam, që të bëjnë ndonjë gjë më të mirë me jetën e tyre”, - përfundon komenti që kishte bërë Aurela ditën të shtunë.

Menjëherë pas këtij mesazhi reagimet kanë qenë të shumta dhe në disa raste negative. Kjo gjë e ka shqetësuar Aurelën, e cila ka shpërndarë një status tjetër ku jep shpjegimet për reagimin e saj të ashpër për njerëzit që flasin keq për të. 

 “Bobo-bobo, një fjale thashë unë, dhe u bë nami.. O njerëz, unë jam njeri me gjak e me vena...Vendoseni një here veten në vendin tim e ta shikojmë si do te ndiheni kur dikush ju cënon, ju prish nervat me budallallëqe, ju dhe atyre e ju rrethojnë...hajde vendoseni një here veten në këtë pozicion...sado të mundohesh të qeshësh e të mbyllesh veshët, ata njerëzit e ligj ta bëjnë përpara syve.... shumë nga ju thatë se unë jam Vip e s'duhet të flas ashtu...unë nuk jam VIP e as RRIP. Jam një vajze e besoi tek talenti që Zoti i fali, dhe punova shumë shumë shumë që të arrij deri tek ju. Ka nga ata e më duan, e ka nga ata që s'duan as te më shohin fytyrën....normal....nuk ka asgjë absolute në këtë bote. Të mos më pëlqesh, është shija jote e mëse normale, edhe nuk kam shijet e mija. Por të më ngacmosh e të me fyesh, po hiç fare nuk duroj e nuk lejoj. Kjo është faqja e vetme nga komunikoj, dhe ashtu siç ju tregoj lumturitë e mija, ashtu ju tregoj edhe kur me ngacmojnë....ju prisni që unë të jem ajo vajza e bindur, që ndryshe mendon e ndryshe vepron? Prisni perfeksion? Unë as nuk jam perfekte e as nuk pretendoj të arrij perfeksionin. Fansat e mi të vërtetë e kuptojnë mënyrën e shakasë time, të batutës time,të momentit kur nxehem, kur qesh....o njerëz, jam njeri ashtu si edhe ju.....se kuptoj pse ju shetësoi kaq shume fakti pse u ktheva përgjigje dashakeqësve, të papunëve, këtu, në këtë faqe.....ku duhet ta bej sipas jush? Ju që më doni, ja u kthefsha vetëm me dashuri...për ju qe se pranoni dot mënyrën time të të shprehurit, më falni, se nuk ndryshoj dot. Më saktë, as nuk dua të ndryshoj....kështu më beri nena e babai, e i falënderoj që më bënë kokën.....fansat e vërtetë të duan në çdo moment, edhe kur ti nuk nxjerr një këngë jo shumë të bukur, jo në nivelin që ata presin....sepse askush s'mund të krijojë gjithmonë kënge të bukura....fansat e vërtetë të pranojnë siç je, se prandaj të duan, për atë që je. Ata që duan ndryshime të karakterit, presin kot...”, - përfundon mesazhi i Aurelës.

Tiranë, i riu përdhunon anglezen në banjon e lokalit

TIRANË - Përdhunon një angleze në banjon e një lokali, arrestohet një i ri. Ngjarja ka ndodhur ditën djeshme në një lokal në Unazën e re. Në pranga është vënë Muhamet Mullaj, 25 vjeç me origjinë nga Përmeti por me banim në Tiranë.

Burime nga policia e kryeqytetit kanë bërë të ditur se, i arrestuar është edhe i dashuri i vajzës nga Anglia, Mariglen Xhepo, pasi ka goditur me sende të forta 25-vjeçarin Mullaj, në momentin kur ka marrë vesh ngjarjen e ndodhur në banjon e lokalit. Nga të dhënat e marra mësohet se, Mullaj ka ruajtur të renë nga Anglia dhe në momentin kur kanë qenë vetëm ka kryer edhe marrëdhënien seksuale me dhunë.
Aktualisht 25-vjeçari Muhamet Mullaj ndodhet në reanimacion për shkak të plagëve të marra pas dhunës së ushtruar ndaj tij nga i dashuri i vajzës. Ndaj tij është ngritur akuza e “marrëdhënieve seksuale me të rritura”.

Në pranga është vënë edhe i dashuri i anglezes, Maringlen Xhepo nën akuzën e “plagosjes së rëndë”.
Redaksia online
(ac/shqiptarja.com)

Zvicër, Kosovari përdhunon 455 herë vajzën e tij të mitur

ZVICËR - Ka dhunuar me qindra herë të bijën e mitur ndërsa Gjykata e landit në Landshut e ka dënuar me vetëm 4 vjet e dhjetë muaj burg kosovarin 55-vjeçar. Babai i pashpirt ka pranuar pjesërisht para trupit gjykues krimin, të cilin e ka kryer gjatë gjashtë viteve të fundit.
Siç bën të ditur media gjermane, wochenblatt.de, të cilës i referohet Albinfo në Zvicër, dhunën seksuale ndaj të bijës, ai e kishte filluar kur ajo ishte vetëm 9 vjeçe dhe e kishte ndërprerë vetëm kur e kishte denoncuar bashkëshortja, tashmë e ndarë nga ai.
Pranimi i veprës nga ana e tij kishte mundësuar, sipas gjykatës, që e bija të kursehej nga detyrimi për të dëshmuar për dhunën e pashembullt, që kishte përjetuar nga babai i saj biologjik. Si pasojë e traumave të pësuara, ajo i është nënshtruar për gjashtë javë një trajtim psikiatrik rehabilitues por, siç ka thënë gjatë procedurës paraprake, kujtimet e tmerrshme vazhdojnë ta mundojnë. Ajo ka thënë se është dhunuar "me mijëra herë".
Kur e ëma e vajzës, më 3 mars të këtij viti e ka ballafaquar ish-bashkëshortin me veprimet e kryera, 55-vjeçari i ka kërcënuar se do t`i vriste dhe do t`ia vinte flakën shtëpisë, nëse do ta denonconin në polici. Ato megjithatë e kishin denoncuar.
“Bashkëshortja gjatë kësaj periudhe ka qëndruar më tepër në Kosovë se sa me të në Gjermani, kështu që më është dashur të kujdesesha për pesë vajzat. Duke e larë në banjë vajzën e vogël më janë `ngjallur ndjenjat seksuale (!) ndaj saj", ka thënë ai.
Akuza e rëndon për 455 përdhunime seksuale, të cilat janë përshkruar me hollësi. Po ashtu aty thuhet se ai secilën herë ka përdorur dhunën fizike duke i shkaktuar të bijës hematoma në krahë. Ndërkaq i akuzuari relativizon numrin dhe veprimet, duke thënë se veprime të vërteta seksuale ndaj të bijës i ka bërë "vetëm" kur ajo i ka mbushur 14 vjeç!
Përveç pranimit të veprës, si rrethanë tjetër lehtësuese për babanë e pashpirt, është marrë fakti se gjatë qëndrimit në burg ai ka qenë vazhdimisht i kërcënuar me dhunë nga të burgosurit tjerë. Për këtë arsye ai madje dy herë ka provuar të bënte vetëvrasje.
Përveç dënimit me 4 vjet e 10 muaj burg ai duhet edhe t`i paguajë një dëmshpërblim prej së paku 10 mijë euro vajzës së dhunuar. Po kështu, pas vuajtjes së dënimit, ai do të dëbohet në Kosovë.
/Shekulli Online/ E.L/