Marsel Ademi ft. Elia ft. Xoxo - Romano Cigano (Official Video HD)

Kreu i delegacionit të KiE, Volonte: Zgjidhni krizën në KQZ

Kryesuesi i delegacionit të KiE-së në Tiranë Luca Volonte  sheh rrezik real për kredibilitetin e rezultatit të zgjedhjeve.

Në një intervistë për DW, Volonte thekson se partitë politike duhet ta zgjidhin sa më shpejt situatën e krijuar në Komisionin Qëndror të Zgjedhjeve.

“Rreziku ka lidhje me kredibilitetin e procesit zgjedhor, me besimin e publikut tek rezultati i zgjedhjeve. Vendimi i disa partive për të dhënë dorëheqjen nga KQZ është një rrezik real, objektiv për funksionimin e KQZ. Ndërkohë Kodi Elektoral, ligji zgjedhor ka dispozita që e lejojnë KQZ të marrë vendime edhe me 4 anëtarë, por jo vendime që kërkojnë një shumicë të cilësuar. Prandaj, Asambleja Parlamentare e Këshillit të Europës i ka bërë një apel të fortë drejtuesve politikë të shqipërisë, që ta zgjidhin krizën në KQZ, pasi ajo rrezikon kredibilitetin e rezultatit të zgjedhjeve parlamentare të 23 qershorit. Ne kemi bërë apel që të gjendet një zgjidhje për funksionimin e plotë të KQZ. Vendimin për t’i dhënë fund kësaj situate, kur nga 23 qershori kanë mbetur pak ditë, duhet ta marrin drejtuesit politikë dhe kjo duhet të bëhet në emër të së ardhmes së Shqipërisë, ky është apeli ynë, kjo është ftesa jonë” tha theksuar ai.

Volonte ka theksuar se mungesa e anëtarëve të KQZ-së mund të përdoret nga partitë për të mos pranuar rezultatin e zgjedhjeve.

“Nga vizita në Tiranë kemi kuptuar se dikush, nuk po përmend emra nga asnjë prej partive politike, mund ta përdorë dorëheqjen e disa anëtarëve të KQZ për të pritur përfundimin e zgjedhjeve dhe ta përdorë këtë dorëheqje për të zhvlerësuar procesin dhe mos pranuar rezultatin. Ne këtë nuk e pranojmë. Sigurisht që organizmat e pavarura institucionale duhet të funksionojnë me të gjithe anëtarët dhe secili prej tyre duhet të përmirësojë kredibilitetin e institucionit dhe jo të përdorë mungesën e kredibilitetit për të protestuar në rrugë dhe sheshe. Përmes tyre nuk fitohen zgjedhjet. Ne bëjmë apel për të përmirësuar pjekurinë e demokracisë në Shqipëri, të fokusuar veçanërisht në pyetjen që u drejtojmë politikanëve protagonist: a dëshironi një demokraci të pjekur apo dëshironi të përdorni një alibi teknike? Kjo do të ishte një rrezik i mundshëm për Shqipërinë dhe do të zvogëlonte kredibilitetin në përpjekjet e saj për t’u bërë anëtare e re BE” theksoi Volonte.

I pyetur nëse palët politik kanë vullnet për të gjetur një formulë ligjore dhe për t’i dhënë fund krizës në KQZ, kreu i delegacionit të KiE-së Volonte është shprehur se  reagimet janë të ndryshme, disa janë pozitive, të tjera ende të pavendosura.

“Disa drejtues të forcave politike janë në linjën e dhënies fund të krizës në kQZ, të tjerë janë ende duke u menduar. Kjo do të duket në këto ditë që kanë mbetur nga 23 qershori. Zgjidhja e krizës në KQZ është në interesin të të gjithëve dhe mendoj se askush nuk do të refuzoje të dëgjojë apelin tonë” shtoi ai.

Gjithashtu, Volonte përmendi edhe disa nga standartet e Këshillit të Evropës që duhet të plotësojnë këto zgjedhje ku më kryesorja sipas tij është votimi i lirë.

“Në radhë të parë njerëzit duhet të votojnë, të votojnë lirisht për kë dëshërojnë, pa asnjë detyrim, pa asnjë presion, numërim i votave duhet të jetë transparent dhe realist, palët duhet të pranojnë rezultatin, kjo është çështje kyç. Po kështu shumë e rëndësishme është jeta parlamentare. Një nga standartet e Këshillit të Europës është jo transparenca në procesin e numërimit të votave , por edhe përmirësimi i kuptimit të demokracisë për qytetarët nga njëra anë, dhe nga tjetra duhet, që drejtuesit politikë të binden që instituvioni për të vendosur së bashku për ecurinë dhe zhvillimin demokratik të vendit është Parlamenti. Nuk mund të jetë kurrë i pranueshëm bojkoti i Parlamentit. Gjithsesi standartet e Këshillit të Europës, të BE,të OSBE/ODIHR-it dhe në përgjithësi standartet europiane nuk plotësohen kurrë të gjitha. Prandaj nuk përdoret më përkufizimi ”zgjedhje të lira dhe të ndershme” por “në linjë me standartet ndërkombëtare”, përkufizim që e kemi përdorur para tri vitesh edhe për zgjedhjet në SHBA” tha ai.

Sa i përket mospranimit nga ana e mediave të kasetave të gatshme të prodhuara në selitë e partive, Volonte  theksoi se kodi elektoral ka dispozita për të transmetuar kaseta te gatshme, pra duhet amenduar kodi elektoral në parlamentin e ardhshëm dhe duhet respektuar liria e medias.

Ndërtimet pa leje në Tiranë

Pas denoncimit në Top Channel të valës së ndërtimeve pa leje në kryeqytet, Inspektoriati i Ndërtimit ka ndërhyrë, por në menyre selektive, duke prishur të paktën vetëm njërin nga objektet e denoncuara. 

Kryetari i Bashkisë Lulzim Basha, i pyetur në lidhje me këtë situatë nuk dha një përgjigje në rast se këto ndërtime do të prishen apo jo.

Gazetarja e Top Channel: Kemi dy ditë që pasqyrojmë shtesa katesh, ndërtime pa leje, duke përfituar ndoshta nga kjo periudhe fushate...

Lulzim Basha: Po të pyetnit në Bashkinë e Tiranës do të merrnit edhe përgjigjen se çfare po bën Bashkia e Tiranës

Gazetarja e Top Channel: Kemi tentuar dhe nuk kemi marrë përgjigje...

Lulzim Basha: Unë nuk kam asnjë dijeni që media juaj ka tentuar të marrë një përgjigje. Kam parë konstatimet tuaja, siç i kam parë edhe në faqet e shtypit opozitar, kryesisht "Zëri i Popullit". Kërkoni shpjegim nga Bashkia dhe Bashkia do t'ju japë planin e plotë të masave që ne realizojmë anembanë qytetit.

Gazetarja e Top Channel: Kemi pasqyruar edhe prishjen e një ndërtimi pa leje, e pasqyruam që u ndërtua dhe u prish...

Lulzim Basha: Shumë mirë keni bërë që e keni pasqyruar. Për çdo informacion që kërkoni Bashkia e Tiranës është e hapur t'ju japë përgjigje...

Nderkohe shtesa e katit qe po ndertohej dy dite me pare ne nje pallat ne qender te kryeqytetit nuk eshte me. Do te duhej denoncimi nga Top Channel, qe ndërtimi në fjalë te mos vazhdonte, pasi, ndonese ishte fare prane zyrave te Bashkise se Tiranes, asnjë prej strukturave të saj nuk kishte vepruar deri atëherë. 
Por mesa duket ky reagim i Bashkise eshte selektiv, pasi ne te tjera objekte qe Top Channel i ka pasqyruar, puna nuk eshte ndalur dhe ende vazhdon me intesitet. Ne rruge dhe rrugica te qytetit vazhdojne te behen shtesa katesh ne pallate apo shtepi private, pa marre asnje leje te shkruar nga Bashkia, duke u mjaftuar me pazare nen dore dhe leje verbale nga kryetare te degeve te Partise Demokratike apo kandidate per deputete te saj te cilet akumulojne vota ne kete forme.

Kryetari i Bashkise mori pjese ne perurimin e rruges 'Mujo Ulqinaku', ne njesine bashkiake numër 10, e cila eshte rindertuar me fondet e Bashkise. 

Vlorë, u dhunua nga burri, ndërron jetë në spital Lumturie Selimaj

Ndërron jetë në spital, 40-vjeçarja e cila u dhunua fizikisht nga bashkëshorti i saj 3 ditë më parë në Vlorë.

Lumturie Selimaj, nënë e dy fëmijëve ndërroi jetë si pasojë e plagëve të rënda që kishte marrë në kokë pas 3 ditësh  në gjendje kome.

Ngjarja e rëndë u shënua ditën e mërkurë ku 49-vjeçari Gëzim Selimaj nga fshati Alikokë i Vlorës gjatë një konflikti në familje për motive të dobëta goditi me sende të forta në kokë, bashkëshorten e tij.

Menjëherë policia bëri të mundur arrestimin e 49-vjeçarit Gëzim Selimi për veprën penale “Vrasje me dashje”.

Berisha: Asfaltojmë çdo km rrugë në Shqipëri

Kryeministri i vendit, Sali Berisha, premtoi asfaltimin e çdo rruge në vend, fitimin e statusit të vendit kandat, rritje pagash dhe trefishimin e granteve për fermerët, ndërsa zhvendosi fushatën e tij elektorale në përurimin e një rruge në Gramsh. 

Zoti Berisha, i cili inaguroi përfundimin e rikonstruksionit të rrugës rurale Drizë-Poroçan, përdori këtë ndalesë për t’i lëshuar “shigjeta” të reja kundërshtarit të tij politik, Edi Ramës, që sipas tij “mbetet në autobuz, ndërsa Shqipëria zhvillohet disa ditës”.

”Ne do të vazhdojmë të investojmë, deri në asfaltimin e çdo metri rrugë në Shqipëri”, deklaroi Berisha.
”Vetëm në Gramsh ne kemi ndërtuar 20 shkolla, ndërsa në mandatin e ardhshëm do të bëjmë gjithçka për të zgjeruar rrjetin e kanalizimeve. Në këto katër vjet do të trefishojmë grantet për fermerët dhe do të rimbursojmë me para në dorë naftën për ju”, iu drejtua kryeministri banorëve të zonës.

”Ne jemi ata që dyfishuam pensionet e ju premtoj se mandati i ardhshëm do të jetë ai i marrjes së statusit të vendit kandidat”, shtoi Berisha.

Rikja: Ja e vërtetat e origjinës time

Në emisionin e “Fan Club” në Top-Channel, sot para dite ishte e ftuar edhe Rike Roci, ish banorja simpatike e edicionit të gjashtë të Big Brother-it shqiptar.

Gjatë intervistës me moderatoren Albana Osmani, dhe gazetarin Olsi Curri, pyetja, e cila me shumë gjasa ngjallte shumë interes, veçanërisht pas deklaratës së një tjetër ish banori, Torosit, sigurisht ishte ajo që kishte të bënte me origjinën e Rikes. Ashtu siç tashmë është bërë e ditur, Torosi kish deklaruar se Rike është një anëtare e komunitetit rom në qytetin e Durrësit.

Dhe pa komplekse që lidhen me sensibilitetin e çështjes, Arbana e pyeti për vërtetësinë e këtij pohimi, dhe po pa komplekse, ishte edhe përgjigja e Rikes, e cila, pa paragjykuar rendësinë origjinës, deklaroi se ajo nuk i takonte këtij komuniteti, dhe se Torosi, do te ish më mirë që përpara se të deklaronte të tilla pohime, do të duhej të informohej me mirë.